A

      ESPIRAL

           DA
         
                VIDA...

"O meu gato é un poeta"
              Fran Alonso

O XEADO DE CHOCOLATE

Unha ficha de comprensión lectora con actividades diversas, na que tamén facemos un repaso do uso e emprego da maiúscula.

A MIÑA AMIGA MARIA

DITADOS CON IMAXES 5

A última entrega de ditados con imaxes, para completar a actividade que hai un tempo que comezamos.

DITADOS CON IMAXES 5

O RELOXO

Un pequeno texto sobre reloxos con actividades diferentes para traballar a escritura, e inclusive as horas en punto e tamén e media!

O RELOXO

DITADOS CON IMAXES 4

Velaquí outro mangado de palabras para facer ler e escribir aos nosos rapaces!
DITADOS CON IMAXES 4

DITADOS CON IMAXES 3

Outra entrega máis para facer autoditados na aula dun xeito máis autónomo e divertido.

DITADOS CON IMAXES 3

ZA, ZO, ZU... CE, CI

Porque...aínda repetíndoo ata "o infinito e máis aló".. sempre se resisten a fixarse en cal poñer en cada momento..
ZA, ZO, ZU... CE, CI

POR TODAS AQUELAS QUE PERDERON A SÚA VOZ...

LOITA

REIVINDICA

RECORDA

SINTE

VIVE

CAMIÑA

DESCOBRE...

O COIDADO DA AUGA

Un pequeno texto sobre a importancia da auga, conselliños e actividades variadas, nas que tamén metemos un debuxo do ciclo da auga, para recordar a viaxe da pinguiña do conto.

O COIDADO DA AUGA

DITADOS CON IMAXES 2

AQUÍ vos deixo a segunda entrega de "Ditados con imaxes", para facilitar o traballo da lectoescritura nas aulas.

VOCABULARIO

DE QUE FALO 2...

DITADOS CON IMAXES 1

 

Para facilitar un pouco o traballo aos máis pequenos e tamén aos profes á hora de facer ditados. Sería o  paso previo antes de pasalo ao caderno.

 Só aparecen as cinco primeiras letras polas que normalmente se comeza.
En vindeiras edicións irei  incorporando màis, seguindo a mesma  liña para a actividade.

ABECEDARIO CON MINÚSCULAS
DITADOS CON IMAXES 1

LE E DEBUXA

Presta  moita atención á lectura, para poder facer o debuxo correctamente!!

SEGUE AS INSTRUCIÓNS PARA DEBUXAR

UN DÍA DE ACAMPADA

Empregando imaxes podemos facer actividades de comprensión variadas, tendo en conta que se precisa un chisco de atención para levalas a cabo!

UN DIA DE ACAMPADA

VIAXES DE INVERNO

 Unha ficha que parte dun fragmento do libro de María Canosa que fala da viaxe dunha pinga, de auga.
Interesante para facer comprensión lectora, escritura..ao tempo que falamos do ciclo da auga.
VIAXES DE INVERNO

FICHA DE VOCABULARIO

Às veces aos nosos alumnos cústalles un pouco empregar ou recordar determinadas palabras de uso común en galego. Esta ficha é para practicarcon algunhas delas.

DE QUE FALO...

 NO MAR

Unha ficha de comprensión con exercicios variados, partndo dunha imaxe que da moito xogo para a escritura.

Preme AQUI para descargala.

QUEREMOS VERDE!!

Tinguironnos de negro o corazón... É hora de lembrar a cor da esperanza e unir todas as pequenas acciòns para que se convirtan en grandes cambios.

PABLO PICASSO

Tràtase dunha serie de actividades que parten dunha lectura da vida do famoso pintor. A lectura aparece en dous formatos diferentes, por se acaso resulta moi pequena para os rapaces ou incluso para traballar en pequeno grupo.
PABLO PICASSO
LECTURA PABLO PICASSO
CARICATURA

LECTURA DE PALABRAS

Tarxetas para practicar a lectura de palabras e inclusive para escribir na libreta e facer oracións...ou para todo aquilo que se nos ocorra. Dende AQUÍ poderedes descargalas.

BUSCA NO DEBUXO E CONTESTA

Unha ficha de comprensión lectora partindo dunha imaxe chea de absurdos que da moito xogo!
Pica AQUÍ para poder descargala.

RELACIONANDO CONTIDOS

Unha ficha de comprensión lectora onde podemos aportar cousas aprendidas en Ciencias Sociais, como é a diferencia de paisaxe entre un pobo de costa e outro de montaña. Lemos, escribimos e tamén debuxamos!

ANTÍA

ALFABETO 

Empeza a escola e toca poñerse de novo en funcionamento! Asique, por qué non comezar recordando as letras traballadas o curso anterior cos nosos alumnos? Aquí vos deixo unhas tarxetiñas con axudas visuais para facilitar a volta ao traballo!
ALFABETO

A FALA

O idioma é a chave

coa que abrimos o mundo:

o salouco máis feble,

o pesar máis profundo.

O idioma é a vida,

o coitelo da dor,

o murmurio do vento,

a palabra do amor.

O idioma é o tempo,

é a voz dos avós

e ese breve ronsel

que deixaremos nós.

O idioma é un herdo,

patrimonio do pobo,

maxicamente vello,

eternamente novo.

O idioma é a patria, 

a esencia máis nosa,

a creación común

meirande e poderosa.

O idioma é a forza,

que nos xungue e sostén.

¡Se perdemos a fala

non seremos ninguén!

O idioma é o amor,

o latexo, a verdade,

a fonte da que agroma

a máis forte irmandde.

Renunciar ao idioma

é ser mudo e morrer.

¡precisamos a lingua

se queremos vencer!

                                       

                                        Manuel María 

FICHAS DE REPASO

Algunhas fichas para repasar cousiñas que se foron dando durante o curso. Podedes descargalas picando AQUÍ.

OS MAIOS

Unha ficha de comprensión lectora e unha copla a partires da festa dos maios. Non chega moito no seu día, pero como aínda non rematou o mes das flores, sempre pode acaer ben en calquera intre!
OS MAIOS
COPLA DOS MAIOS

UN DÍA COS AVÓS

Ficha de escritura "medianamente" libre, para que os rapaces poidan seguir practicando a redacción. Deberán organizar as viñetas ao seu xeito e imaxinarse a historia para logo pasar a contala.
UN DÍA COS AVÓS

LETRAS GALEGAS 2017

Amemos o tempo que turra de nós 
e que nos leva. 
Inda que o ceo está azul
 e non hai nubes e non chove, 
sempre é cedo pra o froito que agardamos e non chega. 

Amemos á rosa porque é breve 
e ao tempo porque fuxe e non se para, 
inda que á beira das horas, nas esquiñas, 
morran as verdades contra o vento 
i a noite seña un recendo podrecido 
das frores que chantamos pra salvarnos. 

Amemos as bocas que mancan ao bicalas, 
aos pianos que medran e non tocan 
e ás tardes fermosas que se acaban. 

Amemos inda que a espranza turre cara abaixo 
a vencellarnos sempre contra nuncas 
de campos sen aire e corazóns parados.

                                   (Carlos Casares)

AXUDAS VISUAIS

Aquí vos deixo uns carteis que poden resultar interesantes para a aula. Se os alumnos contan cun referente visual á hora de escribir, irán adquirindo maior autonomía e recordando como se escriben aquelas palabras máis habituais en galego. Así como tamén expresións típicas da nosa terra.

Dende AQUÍ poderedes acceder ao documento para descargalo.

EN GALEGO

A CARTA

Outro tipo de texto que traballamos dende as aulas e que tamén sería estupendo volver a recuperar nas nosas vidas!! Porque.. a quen non lle facía ilusión recibir unha carta dun amigo?

Pois AQUÍ vos deixo esta ficha para poder practicalo dende a aula.

RECOMENDACIÓNS PARA LER

Aquí vos deixo unha ficha para que o voso alumnado faga recomendacións de libros aos compañeiros. Un xeito de escribir tamén cunha finalidade clara..e ao tempo dar a coñecer preferencias e por que non fomentar a lectura!
Pica AQUÍ para poder descargar o arquivo.

ILUSTRO E COMPLETO O MEU LIBRO

Unha actividade interesante para ler, escribir, comprender e debuxar.....Todo a un tempo!
Trátase dun pequeno libro que impreso a doble cara quedaría só en tres folios. Como as follas non van numeradas, agás a primeira (onde se presenta á protagonista), poden imprimirse a gusto do consumidor.
Engado tamén unha páxina en branco para que sexan eles os que continúen a historia e outro documento en branco por se eles soíños se atreven a crear as súas propias historias.
ILUSTRO E COMPLETO
ESCRIBO O MEU CONTO

VOCABULARIO: EXPRESIÓNS

Achégovos unha ficha para traballar cos rapaces algunhas expresións típicas galegas, para que as empreguen nos seus escritos, e por que non, no seu día  día!
Dende AQUÍ poderedes descargar o documento.

DESCRIBE PERSOAS

Aproveitando que a ficha guiada para a descrición de animais funcionou ben na aula, desta volta deixo á vosa disposición un par de fichas para traballar a descrición de persoas.

É o momento de proporcionarlles a guía para que logo fagan as súas propias producións.

Pica AQUÍ para poder descargala.

CARLOS CASARES

AQUÍ vos deixo un par de fichas para traballar o autor que será homenaxeado este ano o Día das Letras Galegas. Un traballo de comprensión lectora empregando a súa biografía e tamén un fragmento do seu libro "A galiña azul".

DESCRIBE ANIMAIS

Unha ficha moi sinxela que axuda aos rapaces a facer descricións seguindo os pasos  e respostando cada unha das cuesións que se plantexan en cada un deles.
Primeiro fan a descrición dun xeito guiado, para ao final, pasar a facela soíños.
Dende AQUÍ podes descargar o arquivo.

REPASO MAIÚSCULA

Repasamos o emprego do uso da maiúscula con esta ficha para que  sexan eles mesmos os que redacten en que casos debemos recordar poñela. Ademais, tamén poerán practicalo nun par de exercicios.
Dende AQUÍ, poderedes descargar o arquivo.

AS ANDURIÑAS

Unha ficha de lectura e actividades de comprensión relacionada coas anduriñas. A parte de ser unha palabra galega moi bonita (ao meu parecer), trae da man a chegada da primavera. Un paxariño pequeniño e rebuldeiro que, case sen querer faise notar ben.
Dende AQUÍ, poderás descargar o arquivo.

CLASIFICA NOMES II
Un vai facendo cousas, e os acordos van xurdindo a medida que se fai.. Asique engado aquí nesta entrada un complemento para o xogo de clasificar nomes. Non só clasificamos segundo sexan nomes de persoas, animais, plantas ou lugares, senón tamén cousas!! Faltaba esa categoría que fixera alusión aos obxectos para que o noso xogo abarcara máis.
Picando no nome, poderás descargar o arquivo:
CLASIFICA NOMES II

PRACTICAMOS CO NOME

Le, busca os nomes e clasifícaos segundo sexan de persoas, animais ou lugares.
Debes estar moi atento, pois non só aparecen nomes propios, senón comúns tamén!! Logo, identifica os nomes de cada frase e cámbiaos por outro que ti queiras.
Preme AQUÍ, para descargar.

XOGANDO COS NOMES

Practicamos con nomes propios e comúns e clasificamos segundo sexan de animais, persoas, lugares e tamén plantas!!
Ampliamos vocabulario, ao tempo que practicamos e interiorizamos o concepto de nome.
Dende AQUÍ poderás descargar o documento e... a xogar!!

PRACTICAMOS ANTÓNIMOS

Seguindo a mesma estructura ca ficha da anterior entrada, desta volta poñemos en práctica os nosos coñecementos e manexo das palabras con significado contrario.
Picando no nome, poderás descargala.
FICHA ANTÓNIMOS

PRACTICAMOS SINÓNIMOS

 Aquí vos deixo unha ficha para practicar os sinónimos, que xa traballaron primeiro emparellando de xeito manipulativo.
Pica no nome e poderás descargala.
FICHA SINÓNIMOS

ANTÓNIMOS

E non nos esquezamos dos contrarios!!
Máis palabriñas ás que darlle uso no noso día a día.
Un xogo que complementa o anterior, para as nosas aulas.
Preme na palabra para poder descargalo:
ANTÓNIMOS

SINÓNIMOS

Xogando aprendemos sinónimos para logo poder empregar nas nosas estupendas redacións.
Un xeito rápido, lúdico e divertido de introducir novas palabras, que se presta a facer en grupo.
Dende AQUÍ, se pode descargar o recurso.

ASOCIA A FRASE COA IMAXE

Le atentamente e coloca na cartolina a frase coa imaxe que lle corresponde. Un xogo para facer individualmente ou por parellas, para practicar a lectura dun xeito máis lúdico.
Dende AQUÍ, poderedes descargar o arquivo.

O ROMANCE DA BELA ROSA

Unha vez houbo unha flor

que só ulía certa xente

no xardín dun gran demente

con máis poder que razón.

A rosa leda medrou

medrou soa e sen axuda

era forte coma ruda

contra o frío e o calor.

Saiu o sol e corou

o seu vermello impoñente

tanto que ao amo e a outras xentes

molestou o seu primor.

No canto de con amor

ollábana con vaidade

e ante a fermosa humildade

respostaron con temor.

Moitas flores do redor

de xardíns de alleas terras

aplaudiron moi contentas

cando o amo a recortou.

A planta quedou sen flor

pero aínda resistía

porque a raíz se nutría

da terra que a enxendrou.

A terra considerou

que o seu froito era inocente

que fora nobre e valente

e dela se preocupou.

A auga axiña chegou

e o resto de compañeiras

acudíronlle lixeiras

e calmaron a súa dor.

Certo día aquel señor

foi abalar á maceira

e reparou una roseira

que cortara con rancor.

Mil rosas con esplendor

recendían maxestuosas

cunhas espiñas máis grosas

que as tesouras do señor.

Comprendiu o home entón

o seu crime despiadado

caiu ao chan apenado

e pola rosa chorou.

Aquela primeria flor

só no recordo latexa

pero se a raíz é rexa

a planta non morre, non.

                                 SES

DÍA INTERNACIONAL DA MULLER

CONTINÚA AS HISTORIAS

Trátase de pequenos textos de temática variada que pretenden espertar a imaxinación nos rapaces, pois serán eles quenes teñan que continualos.
Achego os arquivos en dous formatos diferentes: modo tarxeta recortable (co cal terían que copialo na libreta), ou modo ficha convencional, na que inclúo un recadro onde poden ademáis facer un debuxo da súa historia.






Para descargar os recursos, pica sobre cada un dos nomes:
CONTINÚA AS HISTORIAS TARXETAS
CONTINÚA AS HISTORIAS FICHAS

A RECEITA
Que tal se escribimos as nosas propias receitas de cociña?

Practicamos algún vocabulario relacionado co tema, facemos unha receita seguindo o modelo, e logo pasamos a redactar a nosa propia!!
Picando no nome poderás descargar cada unha das fichas.
VOCABULARIO RECEITAS
MODELO RECEITA
ESCRIBO A MIÑA RECEITA